Almaniyanın “Bavariya” klubunun baş məşqçisi Yurgen Klinsman istefaya göndərilib. Apasport.az saytının məlumatına görə, komandanın son vaxtlar həm Bundesliqada, həm də Çempionlar Liqasında (ÇL) uğursuz çıxışından sonra gedişi gözlənilən 45 yaşlı alman mütəxəssis son turda evdə “Şalke”yə məğlubiyyətdən (0:1) sonra qovulub. “Bavariya”da baş məşqçi əvəzi vaxtilə Madridin “Real” klubunu çalışdırmış Yupp Haynkes olacaq.

2006-cı ilə Almaniya milli komandasının dünya çempionatının bürünc medalını qazandıran Klinsman ötən yaydan “Bavariya”nın sükanı arxasında idi. Onun Bundesliqada səfərdə “Volfsburq”a (1:5), ÇL-də “Barselona”ya (0:4) 4 top fərqi ilə uduzduqdan sonra mövsüm bitməmiş istefaya göndəriləcəyi proqnozlaşdırılırdı. İndi “Bavariya” lider “Volfsburq”dan 3 xal geri qalır.

Qeyd edək ki, Münhen klubunu yeni mövsümdən başqa mütəxəssis çalışdıracaq. Baş məşqçi postu Londonun “Arsenal” klubunun fransalı çalışdırıcısı Arsen Vengerə təklif edilsə də, o, bunu qəbul etməyib.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi