“Qəbələ” klubu tarixinin ən böyük biabırçılığını yaşayıb. Apasport.az saytının hesablamalarına görə, Azərbaycan kubokunun ilk yarımfinal matçında “İnter”in qonağı olan əyalət təmsilçisi tarixində ən böyük hesablı məğlubiyyətini alıb.

2005-ci ildə yaranan komanda indiyədək heç vaxt bu günkü kimi 0:5 hesabı ilə uduzmamışdı. Dörd yaşlı “Qəbələ” indiyədək ən pis halda meydanı 4 cavabsız qol buraxmaqla tərk etmişdi. Ramiz Məmmədovun yetirmələri həm 2006-cı il dekabrın 9-da, həm də 2008-ci il mayın 28-də çempionat qarşılaşmasında 0:4 hesabı ilə məyus olmuşdu. Birinci halda “Xəzər-Lənkəran”, 11 ay əvvəl isə çempionluğu həmin oyunda qazanan “İnter” bu qələbələrin səbəbkarı olmuşdu.

Qeyd edək ki, “Qəbələ” tarixi ərzində 125-ci rəsmi görüşünü keçirirdi.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi