Azərbaycan milli komandasının futbolçusu Branimir Subaşiç Çin çempionatında növbəti oyununu keçirib. Apasport.az saytının məlumatına görə, “Çanqçun Yatay” klubunda çıxış edən 27 yaşlı hücumçu komandasının “Şençjen Şanqinqyinq” üzərində 3:1 hesabı ilə qələbə qazandığı görüşün iştirakçılarından olub.

Oyunun ilk dəqiqələrində qapısında qol görən meydan sahibləri 40 və 47-ci dəqiqələrdəki qollarla hesabda irəli çıxıb, matçın sonuna 4 dəqiqə qalmış isə fərqi artırıb. Matça start heyətində çıxan Branimir 61-ci dəqiqədə əvəzlənib. Meydanda olduğu müddətdə yalnız 33-cü dəqiqədə diqqət mərkəzinə düşən hücumçu cərimə meydanında yıxılsa da, hakim penalti təyin etməyib. Bu qələbədən sonra “Çanqçun Yatay” liderliyə şərik olub. Belə ki, 7 turdan sonra üç komandanın 14 xalı var. Onlardan ikisi – bütün göstəriciləri eyni olan Subaşiçin komandası və “Henan Jianye” birinci pillədə qərarlaşaraq “Şandunq Lunenq”i raxada qoyub.

Qeyd edək ki, digər iki liderin bir-biri ilə qarşılaşacağı turda “Çanqçun Yatay” 8-ci sırada qərarlaşan “Pekin Quoan” ilə qarşılaşacaq.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi