İyunun 2-də Kayseri şəhərində Türkiyə yığması ilə beynəlxalq yoldaşlıq görüşündə qüvvəsini sınayacaq Azərbaycan milli komandasının oyun ərəfəsində məskunlaşacağı otel müəyyənləşib. AFFA-nın baş katibi Elxan Məmmədovun apasport.az saytına verdiyi məlumata görə, futbolçularımız Kayserinin “Hilton” otelində yaşayacaqlar. Bu oteli bir neçə gün öncə sözügedən şəhərdə olmuş assosiasiyamızın nümayəndəsi seçib.

“Hilton” Kayseridə ilk beynəlxalq 5 ulduzlu oteldir. Şəhərin mərkəzində yerləşən otel hava limanından 6 km məsafədə, Ərciyəs dağının ətəyindədir. 212 otaqdan ibarət “Hilton”da bütün şərait mövcuddur. Burada restoran, bar-restoran, hovuz, fitness mərkəzi, sauna, masaj otaqları, konfrans zalları var.

Milli komandamızın Kayseriyə oyundan təxminən bir həftə əvvəl gedəcəyi və orada təlim-məşq toplanışı keçəcəyi gözlənilir. Türkiyə - Azərbaycan matçı “Kadir Has” stadionunda baş tutacaq.

• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi
• Premyer Liqaya hazırlaşırlar: "Hall Siti"dən 20 milyon avroluq transfer
• "Milan" əfsanəsini itirdi – Franko Barezi vəfat etdi