Dünya futbolunda nadir hallarda müşahidə olunan olay Çexiyada baş verib. Apasport.az saytının məlumatına görə, ölkənin futbol qurumunun prezidenti İvan Qaşek milli komandanın sükanı arxasına keçib. O, 2010-cu il dünya çempionatının seçmə mərhələ oyunlarının sonuna qədər yığmanın baş məşqçi vəzifəsini icra edəcək.

Qaşekin təyinatı Çexiyanın Futbol Assosiasiyasının (ÇFA) İcraiyyə Komitəsinin iclasında təsdiqlənib: “Qeyri-adi vəziyyət qeyri-standard qərarlar tələb edir. Bu, qeyri-standard təyinatdır və mən məsuliyyəti öz üzərimə götürürəm”. ÇFA iyunun 30-da müqaviləsi bitən müvəqqəti baş məşqçi Frantişek Straka ilə müqaviləni uzatmamağı qərara alıb. Vakant posta əsas namizəd Praqanın “Spartak” klubunun baş məşqçisi Karel Yarolim idi. Ancaq o, ÇFA-nın aldığı təklifdən imtina edib.

Qeyd edək ki, yığmada 56 oyun keçirən Qaşek futbolçu karyerasını 1998-ci ildə bitirib. 1999-cu ildən məşqçiliyə başlayan Qaşeki ötən ay ÇFA-nın prezidenti seçilib.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO