İspaniya yığmasının və “Liverpul”un futbolçusu Fernando Torres ata olub. Apasport.az saytının məlumatına görə, Kompostela şəhərində onun qızı dünyaya gəlib. Yeni doğulan körpəyə Nora adı qoyulub.

Maraqlıdır ki, Torresin toyu 2 ay əvvəl, mayın 27-də gerçəkləşib. O, həmyerlisi Olalla Dominges Liste ilə evlənib. Səkkiz ildir bir-birlərini tanıyan cütlük bu ilin fevralında övladlarının olacağından xəbər tutublar və mayda ailə həyatı qurmaq qərarının veriblər. Onların qızı Nora isə həm atasının, həm də anasının soyadını daşıyacaq - Nora Torres Dominges.

Xatırladaq ki, Torres ötən ay İspaniya yığmasının heyətində Bakıya gələrək, Tofiq Bəhramov adına Respublika stadionunda milli komandamıza qarşı keçirilən yoldaşlıq görüşündə forma geyinib. İspanların 6:0 hesablı qələbəsi ilə nəticələnən oyunda sonuncu qolu məhz sözügedən hücumçu vurub.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO