“Qarabağ”ın baş məşqçisi Qurban Qurbanov Avroliqanın ikinci təsnifat mərhələsində ilk oyun ərəfəsində açıqlama verib. Apasport.az-ın “Rusenborq” klubunun rəsmi İnternet saytına istinadən məlumatına görə, Qurbanov rəqibin gücündən söz açıb.

“Rusenborq” Avropada çox tanınmışdır. Bu komanda qitə miqyaslı yarışlarda xeyli təcrübə toplayıb. Rəqibin heyətində Steffen İverseni fərqləndirərdim” - deyə gənc çalışdırıcı vurğulayıb.

Qurbanov oyunun gedişatı barədə ətraflı danışmağa lüzum görməyib: “Əgər futbolda hər şey sizin istədiyiniz kimi olsaydı, çox yaxşı olardı. Meydana çıxanda, yalnız yaxşı nəticə qazanmağı düşünsək də, futbolda heç də həmişə istədiyimiz alınmır”.

Xatırladaq ki, “Rusenborq” - “Qarabağ” matçı sabah Bakı vaxtı ilə saat 22:00-da Tronheym şəhərinin “Lerkendal” stadionunda start götürəcək.

• "Beşiktaş"ın Nunyez planı gözləyir
• Messi bu il də MLS Ulduzlar oyununu buraxacaq – Cəza tətbiq olunmayacaq
• "Real" Diomande ilə razılığa gəldi – PSJ mübarizədən çəkilmir
• "Fənərbaxça"dan transfer iddialarına cavab – Klub iki xəbəri təkzib etdi
• Mourinyonun "toxunulmaz" oyunçuları – Arda Gülər də siyahıda