21 yaşadək futbolçulardan ibarət Azərbaycan milli komandası (U-21) növbəti oyununu keçirib. Apasport.az saytının məlumatına görə, yığmamız Lüksemburqda yerli futbolçularla yoldaşlıq görüşündə qüvvəsini sınayıb. Almaniyalı baş məşqçi Bernard Lippertin yetirmələri bu qarşılaşmada 1:2 hesablı məğlubiyyətlə üzləşib.

Hesabı 10-cu dəqiqədə Mirko Albanese açsa da, ikinci yarının əvvəlində yığmamız tarazlığı bərpa edib. 56-cı dəqiqədə Nodar Məmmədov fərqlənib. Matçın 67-ci dəqiqəsində isə Laterzanın meydandan qovulmasından sonra say üstünlüyü qazanan Lippertin yetirmələri nəinki qələbə qolunu vura bilməyib, heç-heçəni də qorumağı bacarmayıblar. 70-ci dəqiqədə Endi May meydan sahiblərinin qələbə qolunu vurub.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA