“Bakı” klubunun Avropa Liqasının dördüncü təsnifat mərhələsindəki cavab oyununun hakimləri müəyyənləşib. Apasport.az saytının məlumatına görə, İsveçrənin “Bazel” klubu ilə avqustun 27-də məşhur “Sent Yakob Park” stadionunda keçiriləcək qarşılaşma estoniyalı hakimlərə tapşırılıb. Görüşün baş hakimi 2006-cı ildən FİFA referisi dərəcəsini daşıyan 31 yaşlı Hannes Kaasik olacaq. Ona həmyerliləri Marko Leevand, Dmitri Vinoqradov və Eyko Saar kömək edəcək. Bakı vaxtı ilə saat 22:30-da başlanacaq matçda UEFA nümayəndəsi funksiyasını Con Makbet yerinə yetirəcək.

Maraqlıdır ki, “Bakı” və “Bazel” arasında cavab görüşünün hakimləri bilindiyi halda, avqustun 20-də Tofiq Bəhramov adına Respublika stadionunda baş tutacaq ilk qarşılaşmanın ədalət təmsilçilərinin adları açıqlanmır.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA