“Qələbəyə görə çox sevinirəm. Biz Azərbaycan, o cümlədən özümüz üçün oynadıq. Əsas odur ki, hər şeyi ürəkdən edirdik ”. Bu sözləri apasport.az saytının Budapeştə ezam olunmuş xüsusi müxbiri ilə söhbətində Azərbaycan futzal yığmasının qapıçısı Andrey Tveryankin deyib.

Macarıstanda keçirilən Avropa çempionatının 1/4 finalında milli komandamızın Ukrayna üzərində qazandığı qələbədə Tveryankinin də böyük rolu olub. 43 yaşlı rusiyalı qapıçı oyunsonrası penaltilər seriyasında rəqibin iki zərbəsini qaytarıb. O, yanvarın 28-də keçiriləcək yarımfinalda daha yaxşı çıxış edəcəyimizi düşünür: “Fikrimcə, yarımfinal matçı daha asan keçəcək. Çünki 1/4 finalda uduzan komanda turnirlə vidalaşırdı. Bu amil istər-istəməz psixoloji gərginlik yaradırdı. Bundan sonra isə istənilən halda, iki matç keçirməliyik. Yəni, qarşıdakı görüşə rahat çıxacağıq. Hələ Macarıstana gələndə demişdim ki, geriyə medalla qayıda bilərik. İndi bu arzumuzun reallaşmasına 1 oyun qalıb”.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”