Bu ildən etibarən FİFA hakimi adını daşıyan Anar Salmanov ilk təyinatını alıb. Apasport.az-ın AFFA-nın rəsmi internet saytına istinadən məlumatına görə, 30 yaşlı ədalət təmsilçisinin beynəlxalq səviyyədə debütü Yunanıstanda gerçəkləşəcək.

Salmanov 17 yaşadək futbolçulardan ibarət komandalar arasında Avropa çempionatının elit-raundu çərçivəsində keçiriləcək qarşılaşmaların iştirakçısı olacaq. Həmyerlimiz meydan sahibləri ilə yanaşı, Avstriya, İrlandiya və Finlandiya yığmalarının mübarizə aparacağı 3-cü seçmə qrupun matçlarını idarə edəcək fit sahiblərindən biri olacaq. Bu qrupun oyunları martın 18-dən 25-dək keçiriləcək.

Qeyd edək ki, Salmanovun hansı matçlarda baş, hansı qarşılaşmalarda ehtiyat hakim olacağı hələ dəqiqləşməyib.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”