“Fənərbaxça” klubunun və Türkiyənin milli komandasının qapıçısı Volkan Dəmirəlin yerli jurnalistlərlə qalmaqalı olub. Apasport.az saytının məlumatına görə, Volkan sevgilisi Zeynəb Sevərlə şəkillərinin çəkildiyi görüncə aləmi bir-birinə qatıb. O, mətbuat işçilərinin üstünə cumaraq “dəliqanlısınızsa, yazın” deyə bağırmağa başlayıb. Əvvəlcə restoranda yemək yeyən cütlük daha sonra alış-veriş etmək üçün mağazaları dolaşmağa başlayıb. Həmin vaxt qəzetçilər tərəfindən şəkillərinin çəkildiyini anlayan Dəmirəl olay çıxarıb. Qaça-qaça onların yanına gələn qapıçı “Fotomu çəkmək üçün məndən izn alacaqsınız. Məni iznsiz çəkməyin” deyib.

Volkan təhdidlərini davam etdirib: “Dəliqanlısınızsa, bu, söylədiklərimi yazın. Sizi burada döyərəm, onu da yazarsınız. Sabah imzalarınızı qəzetdə görəcəyəm. Sizləri təhdid etdiyimi da yazın”. Alış-veriş mərkəzində gəzənlərin maraqlı baxışları ilə süzdüyü aqressiv qapıçı fotoqrafların aparatlarını əllərindən almağa çalışıb. Onun belə çılğın hərəkətləri sevgilisini də qorxudub.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”