“Azərbaycan yığması ilə oyun güclü rəqibə qarşı bərabər oyun idi. Bu komandanın özü belə turnirlərin debütantı olsa da, heyətində təcrübəli oyunçular yer alıb”. Apasport.az saytının məlumatına görə, bu sözləri futzal üzrə Portuqaliya milli komandasının oyunçusu Qonsalu deyib.

Macarıstanda keçirilən Avropa çempionatının yarımfinalında Azərbaycan yığmasını məğlub edən (3:3, penaltilərlə 5:3) pireneylilərin futzalçısı qarşılaşma haqda fikirlərini açıqlayıb. Penaltilər seriyasında sonuncu zərbəni yerinə yetirən Qonsalu qələbənin çətinliklə əldə olunduğunu vurğulayıb: “Azərbaycan yığması bizə çox problem yaşatdı. Lakin sonda biz qələbə qazandıq. Düşünürəm ki, biz buna layiq idik. Rəqibimiz artıq 5-ci dəqiqədə qapıçını sahə oyunçusu ilə əvəzləməklə bizi əməlli-başlı təəccübləndirdi. Bu addım çox ağıllı gediş idi. Onlar qapımıza qol vura bildi. Lakin biz bərabərliyi təmin edib penaltilər seriyasında daha dəqiq olduq”.

• Salah matçın ən yaxşısı seçildi - Misir 1/8 finala yüksəldi
• Alfaro Fransanı tufana bənzətdi - “İldırımdan necə qorunacağımızı tapmalıyıq”
• Fatih Tekke Buaddiyə heyran qaldı - Qiymətini görüb zarafata saldı
• UEFA-dan yeni qərar - Ağzını bağlayan futbolçu qırmızı almayacaq
• Onana yenidən Türkiyə klubunda - “Mançester Yunayted” açıqladı