“Qalatasaray”ın və Türkiyə yığmasının futbolçusu Mehmet Topalın İspaniyanın “Valensiya” klubuna keçidi rəsmiləşib. Apasport.az saytının məlumatına görə, “Cim Bom” rəsmiləri 24 yaşlı yarımmüdafiəçini 4,8 milyon avroya satdığını açıqlayıb.

Avropada oynamağı arzulayan Topal 4 illik müqavilə bağladığı yeni klubunun heyətində Çempionlar Liqasında qrup mərhələsində iştirak etməklə yanaşı, maddi baxımından da yaxşı qazanacaq. Belə ki, türkiyəli futbolçu bir ildə 1,2 milyon avro məvacib alacaq. “Valensiya” Mehmetə görə ümumilikdə 9,3 milyon avro xərcləməli olacaq ki, bu da türkiyəli futbolçu üçün əcnəbi klublardan ödənən ən yüksək məbləğlərdən biridir.

Qeyd edək ki, Mehmet tibbi müayinədən keçmək üçün həftəsonu İspaniyaya gedəcək.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı