Azərbaycan yığmasının futbolçusu Mahir Şükürovun vətənə qayıdışı bir qədər yubanacaq. Apasport.az saytının məlumatına görə, 28 yaşlı yarımmüdafiəçinin çıxış etdiyi Rusiyanın “Anji” klubunun Premyer Liqanın növbəti turunda “Zenit”lə səfər oyunu iyulun 4-ə təxirə salınsa və çempionatda DÇ-2010-la əlaqədar fasiləyə az qalsa da, bu, dərhal dönüşə imkan verməyib.

Belə ki, Mahaçqala təmsilçisi mayın 16-dək öz bazasında məşq etməklə yanaşı, tibbi müayinədən keçəcək. Yalnız bundan sonra məzuniyyətə buraxılacaq “Anji”nin futbolçuları bu ayın 29-da yenidən bir araya gəlməlidir. Ancaq Şükürov həmin vaxt komandanın sıralarında olmayacaq. Belə ki, mayın 24-də Bakıdan milli komandamızla birgə Avstriyaya təlim-məşq toplanışına yollanacaq Mahir “Anji”nin həmin ölkədə iyundakı təlim-məşq toplanışının ilk hissəsini buraxacaq.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı