Çimərlik futbolu üzrə Azərbaycan yığmasının çıxış etdiyi “Alanya Cup 2010” turniri Türkiyə mətbuatının diqqətindən kənar qalmayıb. Apasport.az saytının məlumatına görə, həmkarlarımız beynəlxalq turnirdə baş verənləri işıqlandırmaqla, futbolumuzda çaşqınlıq da yaradıb.

Belə ki, komandamızın Türkiyə ilə ilk turdakı oyununda vurulan qollarla bağlı qeyri-müəyyənlik yaranıb. AFFA-nın rəsmi internet saytı 3:5 hesabı ilə uduzduğumuz görüşdə qolları Seymur Məmmədov, Emin Kürdov və Zeynal Zeynalovun vurduğu haqda məlumat yayıb. Türk həmkarlarımız isə penaltidən fərqlənən Seymurdan başqa Müslüm Hüseynov və İlham Əzizzadənin də qol sevinci yaşadığını iddia edir.

Qeyd edək ki, bu görüşdə Rövşən Durmuşovla Əzizzadə sarı vərəqə də alıb.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı