“Biz təmiz futbol oynayaraq, “Xəzər-Lənkəran”a qalib gəldik. Bununla da son günlərdə gəzən söz-söhbətlərin əsassız olduğunu sübuta yetirdik”. Bu fikirləri apasport.az saytına açıqlamasında “Bakı” klubunun xorvatiyalı yarımmüdafiəçisi Ernad Skuliç deyib.

Unibank Premyer Liqasının son turunda səfərdə “Xəzər-Lənkəran”la görüşdə (1:0) nəticəni ədalətli hesab edən legioner bəxtsizlikdən gileyləndi: “Uğur bir az da bizim tərəfdə olsaydı, yəni, “İnter” “Qəbələ” ilə heç-heçə etsəydi, indi ardıcıl ikinci çempionluğu bayram edərdik. Hər halda, “İnter” 1-ci yeri tutubsa, deməli, çempionluğa daha layiq imiş. Bundan sonra məqsədimiz kuboku qazanmaqdır və bu baxımdan elə “Xəzər-Lənkəran”la bizi yenə çətin oyun gözləyir. Hesab edirəm ki, finalda hər iki komanda üçün ağır olacaq. Ola bilər ki, bu qələbədən sonra psixoloji üstünlük bizdə olsun. Ancaq istənilən halda, bizi asan sınaq gözləmir. Kubokun finalında psixoloji üstünlük qazanmağımız üçün “Xəzər-Lənkəran”ı səfərdə məğlub etməyimiz vacib idi”.

Mehman SÜLEYMANOV

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı