Unibank Premyer Liqasının 2009/10 mövsümü başa çatıb. Apasport.az saytının məlumatına görə, ötən il avqustun 14-də başlayan çempionat ərzində 392 qol vurulub.

Baş tutan 192 qarşılaşmada orta məhsuldarlıq 2,04 topa bərabər olub. Mövsümün sonuncu qolu Zaqatalada vurulub. “Simurq”un “Standard”la görüşündə qonaqların sonuncu qolunun müəllifi Fərid Quliyev 392-ci topa imza atıb. O, 90+2-ci dəqiqədə hesabı 4:0-a çatdırıb.

Maraqlıdır ki, mövsümün ilk qolu da Premyer Liqanı tərk edən “Standard”ın futbolçusu tərəfindən vurulub. Lakin ötən il avqustun 14-də Salyanda “Muğan”a qarşı matçda sumqayıtlılar öz qapısına qol vurmuşdu. Premyer Liqanın ilk qolunu Oleq Qvelisiani öz qapısına vurmuşdu. Həmin matçda “Standard” 0:1 hesabı ilə uduzmuşdu.

Vüqar XEYRULLAYEV

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı