“FİFA 17 yaşadək qızlardan ibarət milli komandaların dünya çempionatının Azərbaycanda keçirilməsini çox istəyirdi”. Apasport.az saytının məlumatına görə, bu sözləri FİFA-nın Qadın Futbolu Komitəsinin üzvü Mişel Koks deyib.

Azərbaycanda səfərdə olan qurum rəsmisi AFFA-nın rəsmi internet saytına açıqlamasında ölkəmizə gəlməyinin səbəbini açıqlayıb: “Azərbaycana gəlməkdə əsas məqsədim dünya çempionatına hazırlıqla bağlı buradakı vəziyyətlə tanış olmaqdır. Azərbaycanda çoxlu dostlarım var və buna görə qürur duyuram”.

Koks mundialın ölkəmizə verilməsinin əsas səbəbini də izah edib: “Çünki FİFA futbolun inkişafı üçün Azərbaycanda görülən işlərdən çox razıdır”.

Qeyd edək ki, 17 yaşadək qızlardan ibarət milli komandaların dünya çempionatının 2012-ci ildə final mərhələsi ölkəmizə keçiriləcək.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı