“Mən “Xəzər-Lənkəran”la müqaviləmi uzatsam da, komandanı istədiyim vaxt tərk edə bilərəm. Klubla belə bir razılığımız olub. Sadəcə, indi ailə vəziyyətimlə əlaqədar heç yerə gedə bilmirəm”. Bu fikirləri Lent.az-a açıqlamasında “Xəzər-Lənkəran”la müqaviləsini 2012-ci ilin mayınadək yeniləyən Azərbaycan milli komandasının qapıçısı Kamran Ağayev deyib.

Ağayev bir sıra xarici klublardan təklif aldığını etiraf etsə də, atasını tək qoyub gedə bilmədiyini bildirib. 2008-ci ilin noyabrında anasını itirən gənc qapıçı atasına mənəvi dəstək olmaq üçün hələlik Azərbaycanda oynamağa üstünlük verir. O, ölkəmizdə çıxış etdiyi müddətdə 25 yaşınadək “Xəzər-Lənkəran”da qalacağını açıqlayıb: “Mən-Xəzər Lənkəran”da 25 nömrəli formada çıxış edirəm. Bu nömrəni 25 yaşımadək Lənkəran komandasında qalmaq istədiyim üçün seçmişəm. Hazırda 23 yaşım var. Ona görə də klubumla müqaviləmi daha 2 il uzatmışam”.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"