“Xəzər-Lənkəran” klubunda “təmizləmə” əməliyyatı davam edir. Apasport.az saytının məlumatına görə, 2009/10 mövsümünü mükafatsız bitirən lənkəranlılar daha iki futbolçuya “qapını göstərib”.

Əvvəl legionerlər Tihon Şışov və Tomaş İnemanla əməkdaşlığa son verib, müqaviləsi başa çatan Denis Kalinkovla anlaşmanı yeniləməyən “Xəzər-Lənkəran” yerli futbolçularla da bağlı seçimini edib. Klub rəhbərliyi Ramazan Abbasov və Ceyhun Sultanovla yollarını ayırıb.

Qeyd edək ki, “Xəzər-Lənkəran” mövsümlərarası fasilədə 4 futbolçunun transferini gerçəkləşdirib. Bir müddət əvvəl heyətə qatılan Vurğun Hüseynovun ardından Xaqani Məmmədov, Asif Məmmədov və Tural Cəlilovun da yeni mövsümdə cənub təmsilçisində oynayacağı rəsmiləşib.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"