“Fikrimcə, Azərbaycan çempionatının son iki oyununda “Xəzər-Lənkəran”ın bəxti gətirmədi. Düzdür, “Bakı” yaxşı futbol nümayiş etdirdi. Buna baxmayaraq, keçmiş komandamın mövsümü ən azından bir mükafatla yekunlaşdıracağını gözləyirdim”. Bu sözləri apasport.az saytına açıqlamasında "Xəzər-Lənkəran"ın heyətində ən çox oyun keçirən futbolçu Rəşad Abdullayev deyib.

5 il cənub təmsilçisinin formasını geyindikdən sonra “Neftçi”yə keçən yarımmüdafiəçi keçmiş klubunun Avropa Liqasındakı perspektivini də müzakirə edib: "Əlbəttə, "Xəzər-Lənkəran"ın Avropada üzərinə daha böyük məsuliyyət düşür. Məncə, keçmiş komandam bunun öhdəsindən gələcək".

Rəşad Abdullayev komandaya uğur qazanmağın yollarını da göstərib: "Mən də "Xəzər-Lənkəran"ın heyətində Avropada oynamışam. Biz mart ayından etibarən özümüzü bu yarışa hazırlayırdıq. Hazırda "Xəzər-Lənkəran" transferlər həyata keçirməklə məşğuldur. Avropada uğurlu çıxışın mərkəzində heyətin güclü olması durur”.

Qeyd edək ki, Rəşad Abdullayev “Xəzər-Lənkəran”ın heyətində 100-dən çox görüşdə forma geyinib.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA