“Bu toplanışda əsas məqsədimiz heyətdəki futbolçuların nəyə qadir olduqlarını yoxlamaqdır. Bunun üçün məhz güclü komandalarla qüvvəmizi sınamağı qərara almışıq. "Beşiktaş" və "Otselul"dan sonra daha bir güclü kollektivlə - Rumıniyanın "Universitatea Kluj" klubu ilə oynayacağıq”. Apasport.az saytının xəbərinə görə, bu sözləri “Neftçi” klubunun baş məşqçisi Arif Əsədov deyib.

İyulun 1-dən Avstriyada təlim-məşq toplanışında olan paytaxt təmsilçisi bu gün növbəti yoxlama matçına çıxacaq. Əsədov klubun saytına bildirib ki, belə güclü rəqiblərlə oynamağı özü istəyib: “Gənc futbolçularımızın təcrübə qazanması baxımından, adlı-sanlı futbolçulara qarşı necə mübarizə aparmasını öyrənməsi çox vacib amildir. Artıq Avstriya toplanışından sonra ikinci təlim-məşq üçün yollanacağımız Türkiyədə heyətdə hansı futbolçuların yer alacağı məlum olacaq. Yəni, hazırkı toplanışdan çox şey asılıdır. Burada yoxlama görüşlərində özünü göstərmək üçün bütün futbolçulara şans verilir”.

• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər
• “Bordo” həvəskar liqaya düşürüldü – Klub qərardan şikayət edəcək