Futbol üzrə Almaniya çempionatına start verilib. Apasport.az saytının məlumatına görə, Bundesliqanın 2010/11 mövsümünü son iki ilin çempionları açıblar. Üç ay əvvəl Almaniyanın ən yaxşısı olan “Bavariya” 2008/09 mövsümünün çempionu “Volfsburq”u qəbul edib.

Elə çempionatın ilk qolu da çempiondan gəlib. Almaniya millisinin gənc ulduzu, CAR-da keçirilən dünya çempionatının final mərhələsinin bombardiri Tomas Müller artıq 9-cu dəqiqədə qonaqları məyus edib. Lakin sabiq çempionlar ikinci hissənin əvvəlində - 55-ci dəqiqədə hesabda tarazlıq yarada biliblər. Bosniya və herseqovinalı Edin Dzeko Münhen stadionunu susdurub. Lakin qarşılaşmanın sonlarında Avro-2012-nin seçmə mərhələsində Azərbaycan milli komandasının rəqibi olan Bundestimin daha bir ulduzu Bastian Şvaynştayger “səhnəyə çıxıb”. O, uzatma dəqiqələrindəki qolla çempiona 3 xal qazandırıb.

Qeyd edək ki, Avropa Liqasının pley-off mərhələsində Azərbaycan təmsilçisi “Qarabağ”la qarşılaşan Dortmundun “Borussiya” klubu öz oyununu sabah “Bayer”ə qarşı keçirəcək.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO