Avropa Liqasının pley-off mərhələsində Tofiq Bəhramov adına Respublika stadionunda keçiriləcək “Qarabağ” – “Borussiya” matçını azarkeşlər televiziya vasitəsilə izləyə biləcəklər. Apasport.az saytının məlumatına görə, avqustun 26-da, saat 21.00-da start götürəcək qarşılaşmanı AzTV canlı yayımlayacaq.

Almaniyada isə oyunu “Borussiya” həvəskarları “Netradio” vasitəsilə dinləyəcəklər. Bu radionun repartyorları – Norbert Dikel və Boris Rupert görüşün başlamasına 5 dəqiqə qalmış canlı yayımda olacaqlar.

Bu arada oyunun biletlərinin qiyməti də açıqlanıb. Qarşılaşmanı VİP C və VİP D sektorlarından izləmək istəyənlər 10 manat ödəməli olacaqlar. 29-32-ci sektorları pulsuz olaraq dəvətnamə şəklində paylayacaq komanda rəhbərliyi digər sektorlar üçün 1 manat qoyub.

Qeyd edək ki, “Qarabağ” “Borussiya” ilə səfərdə keçirdiyi ilk oyunda qapısından 4 qol buraxıb.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO