“Qalib gəlmək bizə vacib idi. Buna nail olduğumuz üçün şadam”. Apasport.az saytının xəbərinə görə, bunu AZAL klubunun baş məşqçisi Nazim Süleymanov Unibank Premyer Liqasının VII turunda MOİK-lə görüşündən sonra deyib.

Komandasının 2:0 hesablı qələbəsinə görə futbolçularını təbrik edən Süleymanov oyundan sonra təşkil olunan mətbuat konfransında onlara tövsiyəsini çatdırıb: “İstərdim ki, futbolçularımız qol imkanlarından maksimum yararlansınlar. MOİK-ə qarşıdakı oyunlarda uğurlar arzulayıram”.

Süleymanovun həmkarı Ramil Əliyev isə bildirib ki, iki ardıcıl məğlubiyyətdən sonra qalib gəlmək istəyirdilər: “Təəssüf ki, buna nail ola bilmədik. Heyətimizdə bir sıra itkilərimiz var idi, bu da oyunumuza öz təsirini göstərdi. Qarşıdakı oyunlarda xal ehtiyatımızı artırmağa çalışacağıq”.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"