Həmyerlimiz Rəşad Sadıqovun çıxış etdiyi Türkiyənin “Əskişəhərspor” klubu baş məşqçi postuna gətirmək istədiyi daha bir mütəxəssisdən “yox” cavabı alıb. Apasport.az saytının məlumatına görə, Ərsun Yanalın ardından türk futbolunun əfsanəsi Fatih Terim də 28 yaşlı müdafiəçimiz və komandası ilə işləməkdən boyun qaçırıb.

Türkiyəli həmkarlarımızın iddiasına əsasən, “Əskişəhərspor”un prezidenti Halil Ünal Yanaldan “yox” cavabı alan kimi “İmperator” ləqəbli mütəxəssislə əlaqə saxlayıb. Klub başçısının Terimlə görüşü isə uzun sürüb. Lakin tərəflər ortaq məxrəcə gələ bilmədiyindən əskişəhərlilər yenə məşqçisiz qalıb.

Qonşu ölkədən olan həmkarlarımızın sözlərinə görə, Ünal artıq üçüncü bir çalışdırıcı ilə danışıqlara da başlayıb. Adı açıqlanmayan bu mütəxəssisin sürpriz adam olduğu bildirilir.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı