“Ukraynaya qayıdardım, ancaq məni heç kim dəvət etmir. Dnepropetrovsk doğma şəhərdir, orada futbol oynamağa başladım. İndi orada işləyə bilərdim. Ancaq hazırda Özbəkistandayam”. Apasport.az saytının məlumatına görə, bu fikirləri Bakının “Neftçi” klubunun sabiq baş məşqçisi Anatoli Demyanenko deyib.

2008-ci ildə 9 ay ölkəmizdə çalışan ukraynalı mütəxəssis bundan sonra işsiz qaldı. Yaxınlardan Özbəkistanın “Nasaf” klubunun sükanı arxasına keçən Demyanenko vətənində üzləşdiyi biganəlikdən gileylənir: “Bu, üzücüdür, ancaq mən Ukrayna klublarına lazım deyiləm. Hərçənd görürəm ki, bəzi komandalarda daha aşağı səviyyəli məşqçilər işləyir. Futbol həyatı belədir”.

Qeyd edək ki, “Demyanenko “Neftçi”yə bürünc medal qazandırmışdı.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı