Yığmamızın kapitanı Rəşad Sadıqovun şərəfini qoruduğu “Əskişəhərspor” klubunun yeni baş məşqçisinin adı müəyyənləşib. Apasport.az saytının Türkiyə mətbuatına istinadən məlumatına görə, Əskişəhər təmsilçisi dünən “Bucaspor”dan ayrılan Bülənt Uyğunla anlaşıb.

Türk həmkarlarımızın yazdıqlarına görə əslində “qırmızlı-qaralar” bu gənc baş məşqçi ilə ötən həftənin ortasında görüşərək razılığa gəlib. Lakin cümə günü “Bucaspor” və “Əskişəhərspor” arasında oyun olduğundan xəbər gizli saxlanılıb. Birvaxtlar adı “Neftçi” ətrafında hallanan Uygun uzun müddət “Sivasspor” klubunda uğurlu işi ilə tanınıb.

Qeyd edək ki, “Əskişəhərspor”un çalışdırıcısı Rza Çalımbay VI turda “Qaziantepspor” komandasına məğlubiyyətdən sonra istefa vermişdi.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı