Ukraynanın “Metallist” klubunun baş məşqçisi Miron Markeviç Azərbaycan millisi ilə Dubayda keçirdikləri yoldaşlıq görüşünü faydalı hesab edir. Apasport.az saytının məlumatına görə, Xarkov təmsilçisinin çalışdırıcısı Birləşmiş Ərəb Əmirliklərindəki təlim-məşq toplanışının sonunda qalib gəldikləri oyunu (1:0) Avroliqanın 1/16 final mərhələsinə son hazırlıq sayır.

Həmin mərhələdə Almaniyanın “Bayer” klubu ilə görüşəcək “Metallist” Dubayda yığmamızı da nəzərə alsaq, 5 yoxlama oyunu keçirib. Markeviçin sözlərinə görə, bütün bunlar “Bayer”ə qalib gəlmək üçün edilib: “Başqa çıxış yolumuz yoxdur. Axı biz fevralın 17-də Avroliqada oynayacağıq. “Bayer”də çempionat tam axarı ilə gedir. Biz isə bir az qeyri-bərabər şəraitdəyik. Ancaq yoldaşlıq görüşləri hesabına lazımı forma yığmaq istəyirik”.

• “Komo”dan sonra “Əl-Əhli” – Davinson Sançez üçün yeni "elçi"
• İtaliano həyəcanını gizlətmədi – "Sabah ilk rəsmi oyunumuzdur"
• Malanq Sarrın yeni klubu bəlli oldu – Səudiyyə Ərəbistanına yollandı
• Zaniolo “Udineze”də qaldı – “Qalatasaray”dan birdəfəlik ayrıldı
• “Qırmızı şeytanlar” maviyə büründü – Yeni səfər forması - FOTO