1990-cı il təvəllüdlü futbolçular 2013-cü il Avropa çempionatının seçmə mərhələsində iştirak edə biləcəklər. Apasport.az saytının məlumatına görə, həmin il anadan olan futbolçulardan 21 yaşları tamam olanlar da bu yaş qrupundan ibarət yığmalar (U-21) arasında martın 25-də startı veriləcək seçmə mərhələ oyunlarının sonuna kimi çıxış etmək hüququna malikdirlər.

Yəni, qayda 1990-cı ilin yanvarın 1-dən bu yana anadan olanların hamısına aiddir. Seçmə mərhələdə oyunlar gələn ilin payızına kimi davam edəcək ki, həmin vaxt 1990-cı il təvəllüdlülərin 22 yaşı olacaq. Ancaq bu, onların 2013-cü ilin yayında İsraildə bitəcək final mərhələsinə qədər çıxışına mane olmayacaq.

Qeyd edək ki, Azərbaycanın U-21-i bu gün keçirilən püşkün nəticəsində VIII qrupda İngiltərə, Belçika, İslandiya və Norveçlə bir yerə düşüb.

• “Komo”dan sonra “Əl-Əhli” – Davinson Sançez üçün yeni "elçi"
• İtaliano həyəcanını gizlətmədi – "Sabah ilk rəsmi oyunumuzdur"
• Malanq Sarrın yeni klubu bəlli oldu – Səudiyyə Ərəbistanına yollandı
• Zaniolo “Udineze”də qaldı – “Qalatasaray”dan birdəfəlik ayrıldı
• “Qırmızı şeytanlar” maviyə büründü – Yeni səfər forması - FOTO