Braziliya yığmasının sabiq qapıçısı Rokerio Seni növbəti qolunu vurub. Apasport.az saytının məlumatına görə, dünyanın ən məhsuldar qolkiperi karyerası ərzində rəqib qapılarından keçirdiyi topların sayını 95-ə çatdırıb.

38 yaşlı veteranı 100-cü yubiley qolundan cəmi 5 top ayırır.

“San Paulu”da oynayan Rojerio eyniadlı ştatın çempionatında baş tutan “Linense” ilə görüşdə fərqlənib. O, matçın 85-ci dəqiqəsində cərimə zərbəsindən rəqib komandadan olan həmkarını məyus edib. Hesab 2:2 olarkən səhnəyə çıxan Seninin qolu matçda həlledici olub – 3:2.

Qeyd edək ki, karyerası boyu yalnız “San Paulu”da oynamış Rojerio 2002-ci ilin dünya çempionudur.

• “Fulhem” “Real”ın hücumçusu üçün danışıqlara başladı
• Foden "Mançester Siti"də qaldı – Yeni müqavilə imzaladı
• “Komo”dan sonra “Əl-Əhli” – Davinson Sançez üçün yeni "elçi"
• İtaliano həyəcanını gizlətmədi – "Sabah ilk rəsmi oyunumuzdur"
• Malanq Sarrın yeni klubu bəlli oldu – Səudiyyə Ərəbistanına yollandı