“Əlbəttə ki, ürəyim “Arsenal”ın çempion olacağını deyir. Başım isə “Mançester Yunayted” deyir. Onların heyəti də çox yaxşıdır”. Apasport.az saytının məlumatına görə, bu sözləri “Qəbələ” klubunun baş məşqçisi Toni Adams deyib.

İngiltərəli mütəxəssis vətənində verdiyi müsahibədə uzun illər kapitanı olduğu “Arsenal”ın durumu və Premyer Liqadakı mübarizə haqda danışıb: “Qış fasiləsində sabiq komandamın “Mançester Siti” ilə oyununu izlədim. Çox istəyirəm ki, bu komanda tezliklə titul qazansın. Komandanın Arsen Venger kimi fenomen məşqçisi var. O, həmişə oyunçuları ilə düzgün olub. Mənim məşqçilik üslubuma da böyük təsir edib. Venger mənə çox şey öyrədib. Çalışdığım klublarda da bundan yararlanıram”.

Adams 42 yaşlı Yens Lemannın yenidən “Arsenal”a qayıtmasına da münasibət bildirib: “Yens fantastik qapıçıdır. Bilirəm ki, komandada zədəlilər var. Lakin gənc qapıçı Voytsek Şesnı da var ki, o mənim çox xoşuma gəlir. Bu səbəbdən də Lemannın qayıdışında məntiq görmürəm”.

• "Beşiktaş"ın Nunyez planı gözləyir
• Messi bu il də MLS Ulduzlar oyununu buraxacaq – Cəza tətbiq olunmayacaq
• "Real" Diomande ilə razılığa gəldi – PSJ mübarizədən çəkilmir
• "Fənərbaxça"dan transfer iddialarına cavab – Klub iki xəbəri təkzib etdi
• Mourinyonun "toxunulmaz" oyunçuları – Arda Gülər də siyahıda