“Neftçi” Çempionlar Liqasının II təsnifat mərhələsində Zaqreb “Dinamo”su ilə cavab oyunu öncəsi heyətlə bağlı problemlə üzləşib. Komandanın baş məşqçisi Arif Əsədov apasport.az saytına açıqlamasında aparıcı müdafiəçi İqor Mitreskinin iyulun 19-da Tofiq Bəhramov adına Respublika stadionunda cavab görüşündə meydana çıxmasının sual altında olduğunu bildirib. Əsədovun sözlərinə görə, Makedoniya milli komandasının üzvü ilk oyunda aldığı üzündən cavab görüşünü böyük ehtimalla buraxacaq: “Mitreskinin cavab matçında oynamağı sual altındadır. Çünki dizindən aldığı zədə ciddidir. Həkimlərimiz onu müayinə edəcəklər. İqor uzun müddət də sıradan çıxa bilər”.

Qeyd edək ki, İqor “Maksimir” stadionundakı 0:3 hesabı ilə uduzduğumuz görüşdə qapımıza 2 qol vuran hücumçu İqor Krsatonoviçlə mübarizədə aldığı zədə üzündən hələ 42-ci dəqiqədə əvəzlənməli oldu.

Mehman SÜLEYMANOV

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA