Azərbaycan yığmasının sabiq hücumçusu Kənan Kərimovun klubsuz qalmasının səbəbi müəyyənləşib. Apasport.az saytının məlumatına görə, futbolçu bir müddət öncə avtomobil qəzasına düşüb.

Kənan bildirib ki, həmin qəzadan sonra ayağında ağrılar var: "B kateqoriyası alan məşqçilər üçün təşkil olunan seminarlara gələndə qəzaya düşdüm. Maşın çox əzilsə də, özüm ciddi xəsarət almadım. Amma qəzadan sonra ayağımda ağrılar hiss etdim. İndi də həmin ağrılardan əziyyət çəkirəm".

Kərimov deyib ki, işi hələ də məhkəmə orqanlarındadır: "Düzü, bu işlə əlaqədar olaraq, futbolla ciddi şəkildə maraqlana bilmədim. Bəlkə də, bu səbəbdən hələ də klubsuz qalmışam. Hüquq mühafizə orqanları bu məsələ ilə bağlı hələ də məni sorğu-sual edirlər".

Qeyd edək ki, Toni Adamsın gəlişindən sonra "Qəbələ"dən ayrılan futbolçu ondan bəri peşəkar karyerasına ara verib.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA