“Qəbələ” klubunun yamaykalı futbolçusu Deon Barton vətəninə göndərilib. Bu barədə Lent.az-a komandanın baş məşqçisi Fatih Kavlak məlumat verib.

Türkiyəli mütəxəssis 35 yaşlı forvardın zədələnməsini səbəb göstərib. Onun sözlərinə görə, “Neftçi” ilə Unibank Premyer Liqasının XIII tur matçında xəsarət alan Bartonun 3 həftəyədək sıradan çıxdığı məlum olub. Qış fasiləsinədək təqribən bu qədər müddət qaldığını nəzərə alan komanda rəhbərliyi ona öz evində müalicə olunmaq imkanı yaradıb.

Qeyd edək ki, Deon Barton 1:0 hesabı ilə nəticələnən qarşılaşmanın 51-ci dəqiqəsində zədələnərək, yerini komanda yoldaşı Nuran Qurbanova verib.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı