Premyer Liqada yeni rekord qeydə alınıb. Apasport.az saytının məlumatına görə, cari mövsümdə ən çox qol təsnifat mərhələsinin sonunda vuruldu. Söhbət bu gün keçirilən XIX turdan təxirə salınan matçlardan gedir. Belə ki, azarkeşlər 6 oyunda 22 qol gördü. Bu isə orta məhsuldarlığın 3,7 top olmağı deməkdir.

Ən məhsuldar oyun AZAL – “Sumqayıt” matçında oldu. Belə ki, qolların az qala yarısı həmin matçda (6:3) vuruldu. Bu, məhsuldarlığına görə nəinki turun, ümumiyyətlə, mövsümün rekordu oldu. Bu turun yeganə böyük hesablı qələbəsi də məhz həmin matçda qeydə alındı.

Bunadək rekord 18 qol idi ki, onda da AZAL-ın ev oyununun nəticəsi həlledici olmuşdu. Belə ki, “təyyarəçilər” həmin vaxt Şüvəlanda “Simurq”a böyük hesablı qalib gəldikləri matçda 6 qol vurmuşdu – 5:1.

Premyer Liqanın cari mövsümündə vurulan qollar

I	tur	–	16	qol
II	tur	–	12	qol
III	tur	–	15	qol
IV	tur	–	13	qol
V	tur	–	14	qol
VI	tur	–	13	qol
VII	tur	–	10	qol
VIII	tur	–	15	qol
IX	tur	–	7	qol
X	tur	–	13	qol
XI	tur	–	12	qol
XII	tur	–	17	qol
XIII	tur	–	9	qol
XIV	tur	–	13	qol
XV	tur	–	17	qol
XVI	tur	–	16	qol
XVII	tur	–	18	qol
XVIII	tur	–	12	qol
XIX	tur	–	22	qol
XX	tur	–	11	qol
XXI	tur	–	14	qol
XXII	tur	–	12	qol

Mehman SÜLEYMANOV

• Türkiyə Kubokunda sensasiya – III Liqa klubu “Kayserispor”u darmadağın etdi
• “Bavariya”nın baş məşqçisi xəstəxanadan buraxıldı – Qayıdacağı tarix bəlli oldu
• Sergen Yalçının zənglərinə cavab verməyən futbolçular – TFF-dən açıqlama
• Yaponiya Futbol Assosiasiyasının vitse-prezidenti istefa verdi
• “Qalatasaray” Braziliya millisinin üzvünü transfer etmək istəyir