“Elhad Nəziri gənc, istəkli, ancaq təcrübəsiz futbolçudur”. Apasport.az saytının məlumatına görə, bu sözləri Rumıniyanın “Petrolul” klubunun baş məşqçisi Kosmin Kontra deyib.

Rumıniyalı mütəxəssis Azərbaycan yığmasının futbolçusu Elhad Nəzirinin heyətə düşə bilməməyinin səbəbini açıqlayıb.

“Sport Favorit” qəzetinə müsahibəsində Kontra deyib ki, Nəziri “Petrolul”un əsas heyətində oynamağa hazır deyil: “Oyundan-oyuna təcrübə toplayır. Qarşıdakı matçlarda ona şans verəcəm. Düzdür, bu gün oynaya bilmir. Amma şansını gözləməlidir. Hazırda onu meydana buraxmıram. Çünki komanda yaxşı təsir bağışlayır. Nəziri Azərbaycan millisinin üzvü olsa da, hazırda “Petrolul”un əsas heyətində oynamağa hazır deyil”

Qeyd edək ki, bu qış “Petrolul”a transfer olunan müdafiəçi hələlik yeni klubunda debüt etməyib.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”