Milli komandamızın sabiq hücumçusu Vüqar Əsgərov Latviya çempionatında növbəti oyununu keçirib. Apasport.az saytının məlumatına görə, onun çıxış etdiyi “Metallurq” evdə “Ventspils”lə qarşılaşıb.

27 yaşlı futbolçu hesab 1:1 olarkən fərqlənə bilmədiyi üçün 57-ci dəqiqədə yerini Yenis İkauniekə verib. Məhz bundan sonra “Metallurq” daha 2 top vuraraq qələbə qazanıb – 3:1.

Qeyd edək ki, Vüqar bu il “Skonto” ilə kubok matçında (3:1) 72-ci dəqiqədə meydana çıxmış və 2 dəqiqə sonra qol vurmuşdu. O, METTA / LU (4:0) ilə çempionat oyununda 55-ci dəqiqədə meydana daxil olub, “Dauqava” ilə görüşdə (1:2) isə 90 dəqiqə çıxış edib.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”