Fransa kubokunda 1/4 final mərhələsinin oyunlarına yekun vurulub. Apasport.az saytının məlumatına görə, son matç günündə iki qarşılaşma baş tutub.

“Bordo” səfərdə “Lans”la üz-üzə gəlib. Qonaqlar görüşdən qalib ayrılaraq, finala vəsiqə qazanıb - 2:3.

Digər görüşdə isə “Evian” doğma azarkeşləri önündə ölkə çempionatının lideri PSJ-ni sınağa çəkib. Matçın əsas vaxtında tərəflər hərəyə bir dəfə fərqlənməyi bacarıb. Əlavə dəqiqələrdə isə qalib müəyyənləşmədiyindən, komandalar penaltilər seriyasına ehtiyac duyublar və burada isə “Evian” daha yaxşı oynayaraq, adını yarımfinala yazdırıb.

Qeyd edək ki, ötən gün “Troye” “Nansi”ni 3:0, “Loryan” isə “Sent-Etyen”i 2:1 hesabı ilə məğlub edərək, yarımfinala keçib.


Fransa kuboku
1/4 final
16 aprel
“Troye” – “Nansi” - 3:0
Breşe, 52, Fossyure, 74, Kamyu, 81

“Sent-Etyen” – “Loryan” - 1:2
Obameyyanq, 74 - Bartelme, 44, Alyader, 90+3

17 aprel
“Lans” – “Bordo” - 2:3
Karrasso, 14-avtoqol, Berqdiş, 90 – Sertik, 59, Diabete, 81; 86

“Evian” – PSJ - 1:1 (pen-4:1)
Xəlifə, 44 – Pastore, 8

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”