Gürcüstan millisinin sabiq məşqçisi Murtaz Xurtsilavanın Azərbaycana səfəri baş tutmayacaq. Apasport.az saytının məlumatına görə, 70 yaşlı veteran futbolçu mayın 1-də Heydər Əliyevin 90 illik yubileyinə həsr olunmuş Azərbaycanla Avropa yığmaları arasında beynəlxalq yoldaşlıq görüşündə iştirak edə bilməyəcək.

Bu haqda apasport.az-a oyunu təşkilati işləri ilə məşğul olan Futbol Veteranları İttifaqının vitse-prezidenti Rüstəm Rəhimov məlumat verib. Onun sözlərinə görə, Avropa çempionatının gümüş medalçısı olan Xurtsilavanın səhhətində problem yaranıb: “Murtaz xəstələndiyindən gələ bilməyəcək”.

Qeyd edək ki, AFFA-nın dəvət göndərdiyi veteranlardan Rusiyadan Vitali Şevçenko ilə Dmitri Kuznetsov, Ukraynadan İqor Belanov zədə üzündən matça gələ bilməyəcəklər.

Mehman SÜLEYMANOV

• “Bordo” həvəskar liqaya düşürüldü – Klub qərardan şikayət edəcək
• İstanbul derbisinin hakimi bəlli oldu – “Fənərbaxça” – “Beşiktaş” matçı Melerə tapşırıldı
• Markos Lyorente İspaniya millisində karyerasını başa vurdu
• “Fənərbaxça” Talişka ilə yollarını ayırdı - Rəsmi
• Millimizin üzvü oynadı, komandası qalib gəldi