Litvada həvəskarlar arasında keçirilən UEFA Regionlar Liqasının seçmə qrupunda ölkəmizi təmsil edən “Qaraçala” qitə futbol qurumunda şübhə yaradıb. Apasport.az saytının məlumatına görə, “Qaraçala”nın yerinə baş məşqçisi və əksər futbolçusu “Qaradağ Lökbatan”a məxsus olan heyətin ilk oyunda “Lietava” üzərində qələbə qazanması (3:0) böyük narazılığa səbəb olub.

Əldə etdiyimiz məlumata görə, həm UEFA, həm də “Lietava” rəsmiləri təmsilçimizin qara əməllərindən şübhələnib. Buna səbəb isə komandamızın heyətində peşəkar futbolçuların olmağıdır.

Xatırladaq ki, “Qaraçala”nın peşəkar futbolçulardan yararlanmağı faktı ilk dəfə deyil. Ötən ilin aprelin 9-da həvəskarlar arasında birinciliyin “Tərəqqi” ilə matçında da saxtakarlıq aşkarlanmışdı.

Həmin görüşdə “Qaraçala”nın heyətində peşəkar futbolçunun iştirak etdiyi müəyyənləşib. Araşdırmalardan sonra məlum olub ki, “Qaraçala”nın heyətində meydana çıxan Ramil Həsənov I divizionda çıxış edən “Bakılı”nın üzvüdür və həmin klubla peşəkar müqaviləsi mövcuddur. Bu səbəbdən “Qaraçala”ya 0:3 hesablı texniki məğlubiyyət verilmişdi.

• “Bordo” həvəskar liqaya düşürüldü – Klub qərardan şikayət edəcək
• İstanbul derbisinin hakimi bəlli oldu – “Fənərbaxça” – “Beşiktaş” matçı Melerə tapşırıldı
• Markos Lyorente İspaniya millisində karyerasını başa vurdu
• “Fənərbaxça” Talişka ilə yollarını ayırdı - Rəsmi
• Millimizin üzvü oynadı, komandası qalib gəldi