Azərbaycan milli komandasının baş məşqçisi Berti Foqtsun planları dəyişib. Apasport.az saytının məlumatına görə, Topaz Premyer Liqasının XXVIII turu çərçivəsində keçiriləcək 2 oyunu izləmək niyyətində olan almaniyalı mütəxəssis son anda qərarında dəyişiklik edib.

Belə ki, Foqts 2 deyil, 3 matçı izləyəcək. Əvvəlcədən onun "Kəpəz" – "Sumqayıt" və "Bakı" – "Simurq" matçlarını stadiondan izləməsi planlaşdırılmışdı. Bu matçlar müvafiq olaraq aprelin 27-də və 28-də keçiriləcək. Lakin baş məşqçi turun son günündə baş tutacaq "Neftçi" - "İnter" qarşılaşmasını da izləməyə qərar verib. Hərçənd bu oyuna Foqtsun köməkçisi Nazim Süleymanovun göndərilməsi planlaşdırılmışdı.

• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər