“Qəbələ”nin 17 yaşadək futbolçulardan ibarət komandası Braziliyanın Araponqas şəhərində keçirilən "Laranja Mekanika" beynəlxalq turnirində iştirakına yekun vurub. Apasport.az saytının məlumatına görə, qrup mərhələsini 3-cü pillədə tamamlayan "qırmızı-qaralar" son matçda - turnirin 5-ci yeri uğrunda oyunda Mərakeş təmsilçisi "Mohammed VI" ilə üz-üzə gəlib.

Matçda hesabı açan tərəf ərəblər olub. Ruhdan düşməyən "Qəbələ" final fitinədək status-kvonu bərpa etməyi bacarıb. Elmiz İsmayılov bərabərlik qoluna imza atıb. Qalib müəyyənləşmədiyindən, tərəflər penalti duelində üzləşiblər. Bu mərhələdə daha dəqiq oynayan mərakeşlilər 5:4 hesabı ilə qalib gəliblər. Beləliklə, "Qəbələ" turniri 6-cı yerdə tamamlayıb.

Qeyd edək ki, “Qəbələ” qrup mərhələsində Braziliyanın “Laranja Mekanika” (0:3), “Palmeyras” (0:1) klublarına məğlub olmuş, sonuncu turda isə BƏƏ “Əl-Əhli”si ilə heç-heçə etmişdi – 1:1.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı