Almaniya 2-ci Bundesliqasında fasilə yaranıb. Apasport.az saytının məlumatına görə, 21 yaşadək millimizin üzvləri – Tuğrul Eratla Ərən Taşkının şərəfini qoruduğu Düsseldorf “Fortuna”sı fasilədən öncə evdə “Köln”lə qarşılaşıb.

Erat ardıcıl 3-cü dəfə matça start heyətində çıxıb və görüşü əvəzolunmadan keçirib. Taşkın isə fasilədən sonra meydana çıxıb və 88-ci dəqiqədə sarı vərəqə alıb. O, Oliver Finki əvəzləməklə “Fortuna”nın əsas komandasında debüt edib. Bununla da, Tuğrulun ardından Ərən də 2-ci Bundesliqada debüt etmiş millimizin üzvü kimi tarixə düşüb.

Yeri gəlmişkən, hücumameylli futbolçunun meydana daxil olmasından sonra “Fortuna”nın oyununda yüksəliş hiss olunub. Belə ki, Düsseldorf təmsilçisi 2 qol vuraraq tarazlığı bərpa edib. Ancaq “Fortuna” 75-ci dəqiqədə qapısından bir top da buraxaraq məğlub olub – 2:3.

Qeyd edək ki, bu nəticədən sonra “Fortuna” 25 xalla 10-cu sırada qərarlaşıb.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı