Ötən həftə qış fasiləsində “Qaziantepspor”u tərk edəcəyini açıqlayan Sərgən Yalçın fikrindən daşınıb. Apasport.az saytının məlumatına görə, “NTV Spor”a müsahibə verən 41 yaşlı mütəxəssis Superliqa klubu ilə əməkdaşlı davam etdirməyin mümkün olduğunu bildirib.

Türkiyə futbolunun əfsanələrindən olan sabiq pleymeyker taleyinin gələn ilin yanvarında “Qaziantepspor” klubun prezidenti postu üçün keçiriləcək seçkilərdən asılı olduğunu söyləyib: “Yeni bir başqanın və İdarə Heyətinin seçkilərdə qalib gəlmək ehtimalı var. Onlar seçilərlərsə, bizə düşən yeni gələnlərin yolunu açmaqdır. Hazırkı rəhbərlik işinə davam edərsə, biz də qalacağıq”.

Qeyd edək ki, Sərgən Yalçınla 5 oyuna çıxan “Qaziantepspor” 4 qələbə qazanıb, 1 görüşdə uduzub. Komanda hazırda 20 xalla 11-ci pillədə qərarlaşıb.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı