AFFA-nın İntizam Komitəsi “Qəbələ”, “Bakı” və “Rəvan” klublarını cəzalandırıb. Apasport.az saytının məlumatına görə, komitə üzvləri Topaz Premyer Liqasının XVIII turunda yaşananlar üzündən 3 klubu cərimələməyi lazım bilib.

“Bakı” ilə ev oyununda 5 futbolçusu sarı vərəqə ilə cəzalanan “Qəbələ” 1000 manat cərimələnib. “Bakı” isə gənc futbolçusu Şəhriyar Əliyev üzündən xərcə düşüb. Matçın 90+2-ci dəqiqəsində ikinci sarı vərəqə alan müdafiəçi 1 oyunluq cəzalanıb və bakılıları 200 manat xərcə salıb.

“Simurq”la qarşılaşmanın 59-cu dəqiqəsində birbaşa qırmızı vərəqə alaraq meydandan kənarlaşdırılan Mişel Balokoqun cəzası daha ağır olub. “Rəvan” 2000 manat ziyana salan legioner özü 2 oyunluq cəzaya layiq görülüb.

Mənbə: pfl.az

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı