Azərbaycan Premyer Liqasında legioner baş məşqçi qalmayıb.

Apasport.az saytının məlumatına görə, çempionatdakı yeganə əcnəbi mütəxəssis Visente Qomes “Sabah”dan ayrılıb.

Çempionatın autsayderi ispaniyalı çalışdırıcı ilə vidalaşıb. Cari mövsümün əvvəlində baş məşqçi təyin olunan Qomes 20 matçda paytaxt klubuna rəhbərlik edib.

Bu görüşlərdə 4 qələbə və 4 heç-heçəsi olan komanda 12 dəfə uduzub. 12 qol vuran “Sabah” 21 top buraxıb. Bu oyunlardan 19-u Premyer Liqa, 1-i kuboka təsadüf edib.

Qeyd edək ki, cari mövsümdə bunadək 2 baş məşqçi dəyişikliyi baş verib. 3-cü istefayadək “Neftçi”də Füzuli Məmmədovu Samir Abasov, “Keşlə”də Yunis Hüseynovu Sənan Qurbanov əvəzləyib.
 

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə