İngiltərə Liqa Kubokunun “Tottenhem”ə qarşı keçirilən final oyunu “Mançester Siti”nin baş məşqçisi Pep Qvardiola üçün əlamətdar olub.

Apasport.az saytının məlumatına görə, təcrübəli mütəxəssis məşqçilik karyerasında 30-cu titulunu qazanıb. Bu, Qvardiolanın “şəhərlilər”lə 9-cu kuboku olub. “Barselona”ya 14, “Bavariya”ya isə 7 titul qazandıran ispaniyalı ən titullu məşqçilər siyahısında əfsanəvi ukraynalı Valeri Lobanovskini geridə qoyaraq, 3-cü pilləyə yüksəlib.

Qeyd edək ki, “Mançester Siti” “Tottenhem”i 1:0 hesabı ilə məğlub edərək, ardıcıl 4-cü dəfə İngiltərə Liqa Kubokunun qalibi olub.
 

• “Bavariya”nın baş məşqçisi xəstəxanadan buraxıldı – Qayıdacağı tarix bəlli oldu
• Sergen Yalçının zənglərinə cavab verməyən futbolçular – TFF-dən açıqlama
• Yaponiya Futbol Assosiasiyasının vitse-prezidenti istefa verdi
• “Qalatasaray” Braziliya millisinin üzvünü transfer etmək istəyir
• “Barselona” Ferminin qiymətini müəyyənləşdirdi