“Qarabağ”ın qapıçısı Şahrudin Məhəmmədəliyev zədədən sonra yenidən meydana qayıdır.

Apasport.az saytının məlumatına görə, milliləşən legioner Azərbaycan kubokunun “Sumqayıt”la bugünkü matçının start heyətində yer alıb.

O, yarımfinalın cavab oyununda “Qarabağ”ın əsas qapıçısı kimi meydana çıxacaq. “Səbail”lə Premyer Liqanın XXIII turunun matçında başından ağır zədə alan qapıçı aprelin 16-dakı hadisədən 13 gün sonra yenidən komandasına kömək edəcək.

Qeyd edək ki, Azərbaycan yığmasının əsas qapıçısı olan Şahrudin “Səbail”lə matçın (1:1) 26-cı dəqiqəsində Amil Yunanovla toqquşmadan sonra meydanı tərk etməli olub. Onun başına 25 tikiş qoyulub.

• Aykut Kocamandan “Fənərbaxça”ya qayıtmaq üçün şərt – Oğuz Çetin getməlidir
• Ruben Amorim Bruno Fernandeşi “Milan”a gətirmək istəyir
• “Liverpul”a uduzan Xabi Alonso: “Bu, bizim üçün əhəmiyyətsiz turnirdir”
• İngiltərə Liqa Kuboku: “Çelsi” “Liverpul”la bacarmadı
• “Qalatasaray”ın futbolçusu milli karyerasını başa vurdu